Kryeministri Edi Rama ka publikuar në rrjetet sociale, një video të një turisti italian në Dhërmi.
Në rrëfimin e tij, italiani tregon se si është duke i kaluar pushimet e tij në Shqipëri.
Ai shprehet se në Shqipëri është shumë më mirë se në Itali për të bërë pushime, duke e konsideruar Dhërmiun si një mrekulli.
Sipas turistit, në vendin tonë mund të dalësh i sigurt dhe kursen para, si për shembull në ushqime.
Rrëfimi i turistit italian:
Si është në Shqipëri? Shih ku jam vëlla, jam në Dhërmi prej tre ditësh. Është një mrekulli. Njerëzit janë të shoqërueshëm, italianët trajtohen shumë mirë, thuajse të gjithë flasin italisht dhe kursen para.
Dje hëngra jashtë në Dhërmi në një restorant shumë të bukur pranë detit, 9 persona hëngrëm peshk e krudo e paguam 300 euro, duke pirë dhe dy shishe spumante. Ç’të të them! Njerëzit janë shumë të sjellshëm, mund të ecësh qetësisht me orën 30 mijë euro në dorë, me 3 milionë lekë dhe askush nuk të thotë gjë. Makinën e lë hapur.
Na respektojnë, na duan, na çmojnë. Vendi është i mahnitshëm, deti fantastik, që të bën mos ta kesh zili fare detin e Sardenjës. Ka plot vende për jetë nate, plot lokale e vende të bukura. Mund të qarkullosh i sigurt sikur të ishe në Itali, madje edhe më mirë se në Itali.
Postimi i Ramës:
NE ITALIANËT me pushime në Shqipëri, më mirë se në Itali
j.l./ dita
