Liverpooli nis përgatitjet për një nga konkurset më popullore të muzikës, Eurovizionin, i cili pritet të fillojë më 9 maj. Qyteti britanik është duke mirëpritur qytetarë dhe fansa të këtij eventit muzikor, të cilët u shprehën se po i presin me padurim netët e Eurovizionit.
“Për të qenë i sinqertë me ju, do të thosha se qyteti po kërcen, me të vërtetë e presim me padurim eventin. Kudo që shkoni ka shenja te Eurovizionit, të gjithë janë gati për të. Do të jetë diçka e bukur”-tha Will Cillan, banor i Liverpool-it.
“Do të sjellë shumë para në qytet, biznesi i hoteleve, baret – madje edhe taksitë. Do të jetë diçka e shkëlqyer për qytetin”- nënvizon Roberto Morecroft, një tjetër banor.
Të apasionuarit pas festivalit të Eurovizionit kanë filluar tashmë të mbërrijnë, për të përjetuar momentet e para si dhe për t’u organizuar e për të qenë gati për netët e këngës. Qytetarët presin në radhë me shpresën për të gjetur bileta. “Parashikohet që Eurovizioni me 25 milionë paund të ndikojë ekonominë në Merseyside dhe përtej kësaj do të ketë 5% rritje sa i përket turistëve europianë që vijnë në këtë qytet çdo vit” – thotë Luke Hanrahan, korrespondent i Euronews.
Brenda arenës, në sallën e madhe të Liverpool-it, është projektuar imazhi me temën e ‘bashkimit, festës dhe komunitetit’. Për të përforcuar më shumë këtë ide dhe për të treguar solidaritet, kolona zanore e këtij viti që do dëgjohet në sallë, është shkruar nga kompozitori ukrainas Michael Nekrasov.
m.b./dita