Ai është kreu i Organizatës Botërore të Shëndetësisë, por familja e tij po vdes urie. Tedros Adhanom Ghebreyesus i dëshpëruar tha se nuk mundet t’i dërgojë para prindërve të tij në rajonin Tigray të Etiopisë të përfshirë nga lufta.
“Kam shumë të afërm atje. Dëshiroj t’ju dërgoj para atyre, por nuk mundem. Nuk e di se kush prej tyre është gjallë apo ka vdekur.”
Që kur nisi lufta në vitin 2020, ky rajon është shkëputur nga pjesa tjetër e botës, pa mbulim telefonik apo internet.
Qeveria e Etiopisë është akuzuar se ka vendosur një bllokadë për ndihmat në rajon, duke penguar dërgesat e domosdoshme, gjë për të cilën ajo fajësoi luftimet. Dhjetëra mijëra civilë kanë vdekur dhe miliona kanë nevojë urgjente për ndihmë ushqimore.
Programi Botëror i Ushqimit thotë se pothuajse gjysma e popullsisë 5.5 milionëshe të Tigray ka nevojë “të madhe” për ushqim.
Nuk është hera e parë që kreu i OBSH flet për luftën. Në vitin 2020 ai mohoi akuzat e një gjenerali etiopian se Ghebreyesus kishte ndihmuar në blerjen e armëve për rebelët e Tigray.
Në konferencën e fundit, Kreu i OBSH tha se kriza humanitare në këtë rajon të Etiopisë është më e rënda në botë, edhe më e madhe se ajo e Ukrainës. Ai akuzoi mbarë botën për racizëm duke nënvizuar se kjo krizë nuk po merr vëmendje vetëm për shkak të ngjyrës së lëkurës.
o.j/dita
Po ik ne Etiopi dhe merru me familjen, se Covidin “e qave” bashke me kinezet !
Kapitalizmi nuk ka fytyrë njerzore nuk pyet për drejtësi ,ka vetëm mashtrim ,fitim për vete ,hap luftë ku i intereson ,ngre zërin në kupë të qiellit për drejtësi dhe demokracinë ,por thurë vetëm gënjeshtra e zhvatje ,dmth është Hlokaus , kur kreu i OBSH =së familja po i vdes nga uria dhe lufta.Dhe kan gojë të shajnë socializmin !………