Macron: Në 10 vitet e ardhshme, synojmë të mbjellim një miliardë pemë

Presidenti francez Emmanuel Macron ka njoftuar se synon të mbjellë një miliardë pemë gjatë 10 viteve të ardhshme.

Ndryshimet klimatike treguan “dhëmbët” verën e kaluar, me Europën që shënoi temperatura rekord dhe zjarre të paprecedentë.

Rimbjellja e 1 miliard pemëve në Francë: ky është qëllimi ynë për 10 vitet e ardhshme.

Franca ishte ndër vendet që përjetoi ndoshta shkatërrimin më të madh për shkak të temperaturave ekstreme që mbizotëruan në verën e vitit 2022, me zjarre që dogjën zona të shumta.

Presidenti francez, në një postim në llogarinë personale në Twitter, ka bërë të ditur se në 10 vitet e ardhshme do të mbillen një miliardë pemë.

“Përballë ndryshimeve klimatike, ne duhet të ecim përpara dhe të mendojmë për një strategji të re për të luftuar zjarret”, tha ai.

o.j/dita