Nëse jeni mësuar të shoqëroni patatet apo burgerin me bustina të vogla ketchup-i dhe majoneze, kjo mund të marrë fund shumë shpejt. Bashkimi Evropian ka vendosur të heqë nga qarkullimi bustinat njëpërdorimshe për salca në bare dhe restorante, duke filluar nga gushti i vitit 2026.
Vendimi është pjesë e rregullores së re europiane për paketimet (PPWR), e cila synon të ulë ndjeshëm mbetjet plastike dhe të promovojë përdorimin e enëve të ripërdorshme apo dozatorëve në ambientet e shërbimit.
Edhe pse duket si një ndryshim i vogël, masa ka ngjallur debat në shumë vende europiane, pasi prek zakone të përditshme të konsumatorëve dhe mënyrën se si shërbehet ushqimi jashtë shtëpisë.
Qëllimi final i Bashkimit Evropian është të reduktojë mbetjet e paketimit për frymë me 15% deri në vitin 2040, duke luftuar ndotjen nga plastika njëpërdorimshe.
j.l./ dita
