AktualitetEnciklopediRajoni

Masakër në Bosnjë, sportisti vret ish-gruan dhe dy familjarë. Para se të vetëvritej publikoi dhe videon e krimit në Instagram!

Tre persona janë vrarë dhe tre të tjerë janë plagosur në një qytet në afërsi të kantonit të Tuzlës në Bosnjë dhe Hercegovinë. Autori ishte një 35-vjeçar boshnjak.

Autori arriti të largohej. Disa orë më pas policia e gjeti të vdekur në makinën e tij. Ai vrau veten para se të arrestohej, tha policia në një deklaratë për median cituar nga Agjencia France Press, AFP.Ngjarja u shënua në Gradašac, një qytet i vogël në Bosnjën verilindore ndërsa mes viktimave ishte dhe ish bashkëshortja e tij. “Sulejmanoviç e vrau ish-bashkëshorten dhe dy burra të tjerë, babë e bir, me pistoletë. Ai, po ashtu, e plagosi një polic, si dhe një burrë tjetër dhe një grua në lokacione të ndryshme në Gradaçac”, njoftoi Zyra e Prokurorit në Tuzla.

Autori ishte një bodybuilder profesionist dhe trajner fitnnesi, i cili përcolli live në instagram vrasjen e parë dhe më pas postoi video të tjera ku justifikonte krimin e tij raportuan mediat lokale. Ministria e Brendshme konfirmoi se videot e shpërndara në rrjetet sociale nga i dyshuari ishin fshirë.

Mbajtja e armëve në Bosnje është një shqetësim, pavarësisht operacioneve për çarmatosjen e popullatës. Gradaçan është një qyteti i vogël me rreth 40 mijë banorë.

 

Shpërndaje këtë artikull