Gjykata e Vlorës ka vendosur masën e sigurisë “Arrest në burg” për Granit Pepnika, i cili u arrestua pak ditë më parë në Dhërmi për veprën penale “Mashtrim kompjuterik”.
Bëhet me dije se e njëjta masë sigurie, “Arrest në burg”, është caktuar edhe për Xhoni Hitaj, i akuzuar për të njejtën vepër penale “Mashtrim kompjuterik”, si dhe për Redion Rexhmati, i cili akuzohet për veprën penale “Përkrahja e autorit të krimit”.
Gjatë kontrollit të ushtruar në vilën ku qëndronin, shërbimet e Policisë gjetën dhe sekuestruan një armë zjarri pistoletë, si dhe një sasi lënde narkotike, e dyshuar cannabis sativa.
Pepnika dyshohet se ka mashtruar qindra qytetarë me dëmin financiar prej 50 milion euro.
Skema funksiononte përmes call centerave të organizuar në mënyrë profesionale, ku operatorët komunikonin në gjermanisht, italisht dhe anglisht me qytetarë europianë, duke u prezantuar si këshilltarë financiarë apo përfaqësues platformash investimi.
Hetuesit dyshojnë se viktimat joshesin përmes platformave të rreme online, ku u premtoheshin fitime të mëdha nga investimet në bursë, kriptovaluta apo tregje financiare.
Në shumë raste ata përdornin identitete false, pseudonime dhe profile të fabrikuara për të krijuar besim tek personat që kontaktonin.
j.l./ dita
