Dy avionë të Forcave të Armatosura të Rumanisë mbërritën sot në Shqipëri, dhe do të ndihmojnë në izolimin dhe shuarjen e vatrave të zjarrit, në disa zona problematike të vendit.
Sipas ministrisë së Brendshme, ekuipazhet rumune do të dislokohen për gati 10 ditë në Bazën Ajrore të Kuçovës, ku do të koordinohen nga Agjencia Kombëtare e Mbrojtjes Civile për t’u angazhuar që sot, në vatrat e zjarrit, ku situata është më kritike.
Dy avionët ushtarakë janë njëri model C-27J (Spartan), që do të angazhohet në operacionet e fikjes së zjarreve si dhe tjetri C-130 (Hercules), i cili ofron mbështetje logjistike për C-27J, ndërsa kapaciteti është 6 ton ujë për çdo fluturim.
j.l./ dita
