Shërbimi sekret rus (FSB) tha se 261,000 burra ishin larguar nga vendi pasi Vladimir Putin shpalli “rekrutim të pjesshëm” javën e kaluar. Ky informacion dyshohet se është dhënë nga një burim në ekipin administrativ të Putinit për gazetën Novaya Gazeta, e cila raportoi se “informacionet e fundit nga FSB, flasin për një numër prej 261,000 burrash që u larguan nga Rusia nga e mërkura deri të shtunën mbrëma”. .
Në administratën e Presidentit Putin, diskutimet rreth mbylljes së kufijve të Rusisë për burrat e kualifikuar për draftin filluan të mërkurën, kur forcat e sigurisë filluan të merrnin të dhëna për numrin e burrave që kishin filluar të largoheshin nga Rusia.
“Klima në administratën presidenciale është e tillë që forcat e sigurisë dhe ministria e mbrojtjes do të jenë në gjendje të bindin Putinin të mbyllë kufirin para se të jetë tepër vonë”, tha një zyrtar i administratës presidenciale.
Më herët, mediat ruse, duke cituar burime, raportuan se autoritetet ruse do të mbyllin kufirin për burrat e moshës ushtarake pas përfundimit të referendumeve për aneksimin e territoreve të okupuara përkohësisht të Ukrainës.
Të dielën u bë e ditur gjithashtu se disa shtetas të Federatës Ruse, të cilët i nënshtrohen kritereve të “rekrutimit të pjesshëm” dhe po tentojnë të largohen nga Rusia, kanë nisur të dërgojnë mesazhe nga kufiri, sipas të cilave u ndalohet të largohen me vendim të komisionerit ushtarak.
o.j/dita
