Konservatorët e Bashkimit Demokratik Kristian në Gjermani pritet që të shpallen fitues në zgjedhjet e parakohshme të mbajtura këtë të diel.
Me daljen e exit poll-eve pas votimeve, në selinë e CDU-së nisi festa.
Friedrich Merz, i cili deri më tani nuk ka mbajtur një rol qeveritar, ka të ngjarë të bëhet kancelari i ri i Gjermanisë, ekonomia më e madhe e Evropës dhe shteti më i populluar.
Nëse rezultatet e exit poll-eve qëndrojnë, Alternativa e ekstremit të djathtë për Gjermaninë (AfD) ka arritur rezultatin e saj më të lartë deri më tani – pothuajse duke dyfishuar mbështetjen e ndaj saj nga zgjedhjet e fundit në 2021.
Ky është një rritje e konsiderueshme e parashikuar në mbështetjen për partinë, e cila ka të ngjarë të qëndrojë tani si forca më e madhe opozitare e Gjermanisë.
Partia Social Demokrate (SPD) e qendrës së majtë të kancelarit Olaf Scholz duket se do të dalë e treta – një kthesë e madhe që nga zgjedhjet e vitit 2021, kur mori 25.7% të votave.
Kurse, Aleanca Sahra Wageknecht (BSW) humbi ngushtë pragun e 5% të nevojshëm për të hyrë në parlament, ndërsa partia e Majtë e kaloi me lehtësi këtë prag, duke marrë një 8.5% të konsiderueshëm.
j.l./ dita
