Institucioni i paraburgimit në Sarandë është mbyllur përfundimisht. Mëngjesin e sotëm, ka nisur transferimi me furgonë policie i të paraburgosurve drejt Burgut të Fierit.
Një pjesë e stafit të paraburgimit të Sarandës ka pranuar të transferohet me punë nëpër burgje të tjera të Shqipërisë. Institucioni do të funksionojë edhe për pak kohë deri në plotësimin e dokumentacionit.
Familjarëve të këtyre të paraburgosurve, por edhe avokatëve apo prokurorëve do t’u duhet që për shërbimet në funksion të punës së tyre të shkojnë deri në Fier. Mirëpo, për të zhvilluar seancat gjyqësore, personat e ndaluar, do duhet të sillen sërish në gjykatën e Sarandës.
j.l./ dita
Nga Saranda ne Fier si rruge shume e gjate per tu bere per familjaret.E njejta gje pritet te ndodhi me gjykaten e apelit dhe are te shkalles se pare.