Policia ka arrestuar një mjek kirurg në Korçë, pasi dyshohet se ka ngacmuar seksualisht një 21-vjeçare. Bëhet me dije, se kallëzimi në polici për mjekun Nikolla Nunka është bërë nga vetë e reja.
E reja ishte dërguar në urgjencë për shkak të dhimbjeve të barkut e të vjellave ndërsa pas kontrolleve mjekësore, është vendosur që të kryejë ndërhyrje për apandesit. Sipas kallëzimit të vajzës, thuhet se mjeku Nikolla Nunka, e ka ngacmuar seksualisht duke e prekur në pjesë intime me pretendimin e kontrollit mjekësor.
21 vjeçarja ndodhet e shtruar në spitalin e Korçës, ndërsa 72-vjeçari ndodhet në Komisariat. Sakaq, Policia po vijon hetimet për zbardhjen e plotë të rrethanave të ngjarjes.
j.l./ dita
