Dukesha e Sussex, Meghan Markle, ka mbajtur mbrëmë një fjalim në samitin “One Young World” në Mançester, i cili është konsideruar si i pakuptimtë.
Sipas ekspertëve mbretërorë, të gjithë fjalimi e rrotulloi te vetja. Madje ata kanë numëruar se sa herë përmendi në të fjalën “unë”.
Plot 54 herë në një bisedë 7 minutëshe. Kujtojmë se ky është fjalimi i saj i parë në Britaninë e Madhe që pas largimit nga mbretëria.
Në një fjalim mbi barazinë gjinore, bashkëshortja e Princit Harry foli më shumë për veten duke u vetëquajtur “vajza e suits”.
Markle u shpreh sesi nga një vajzë e thjeshtë arriti në ulej në tryezë me kryeministra, liderë të fuqishëm dhe aktivistë. Po nuk e bëri të qartë rrugën e suksesit të saj.
Meghan foli edhe për mënyrën sesi botëkuptimi i saj ka ndryshuar që pasi është bërë nënë.
Pavarësisht përpjekjeve të saj për të mbajtur një fjalim të sinqertë dhe frymëzues, kritikët pretendojnë se fjalimi i dukeshës ishte i pakuptimtë dhe se e lidhte gjithçka me veten.
Të tjerë thonë se vështirë që dy mijë të rinjtë e pranishëm të kenë kuptuar një fjalë të vetme nga ato që ajo tha.
j.l./ dita
