Ish deputeti Halit Valteri, personi që bëri kallëzimin në SPAK ndaj Ilir Metës për çështjen e lobingjeve, ka deklaruar diçka shumë të rëndë për ish-presidentin e Republikës.
Ai pretendon se Meta ka dalë në përgjimet e Sky ECC si i përfshirë në një vrasje të bujshme në Lezhë.
“Ka dalë në biseda Sky ECC. Dalin përgjime për shuma të mëdha parash që janë marrë për të kryer një vrasje në Lezhë. Dhe gjurmimi i tyre lidhet me një vrasje të bujshme. Meta, i përfshirë drejtpërdrejtë”, u shpreh Valteri në A2.
Po për çfarë bëhet fjalë?
Në qershor 2022. Gazetari Artan Hoxha deklaroi në emisionin “Opinion” se në një nga dëshmitë e tij Nuredin Dumani ka thënë se Ilir Meta ka porositur vrasjen e vëllait të ish-deputetit të Partisë Socialiste Arben Ndoka.
Hoxha thotë se në dëshminë e tij, thuhet se Dumanit i kishte thënë një person i përfshirë në vrasje se Meta ka porositur vrasjen e Aleksandër Ndokës në vitin 2017.
Ai tha se me këtë ngjarje lidhen edhe disa ngjarje të mëvonshme, duke treguar se për të pajtuar palët janë futur mes palëve tre negociatorë, një prej të cilëve sot është i vdekur.
Sipas gazetarit, negociatori i parë u ekzekutua në Shkodër.
“Menjëherë pas atentatit ndaj Sandër Ndokës ka ndërhyrë një negociator. Ai i tha familjes se vrasjen nuk e kanë bërë këta që dyshoni ju. Negociatori është Bardhok Pllanaj. më pas është vrarë.
Negociatori i dytë ishte kryeplaku që shkoi në burg. Negociatori i tretë është Aleks Deda. I kanë bërë tre herë atentate, nuk e kanë vrarë dot. Dëshmoi në datë 8 mars në SPAK dhe e ka marrë SPAK në mbrojtje. Ka ardh nga Spanja. I kanë çuar dronin dhe nuk e kanë vrarë dot. Di shumë gjëra dhe duan ta vrasin.
Pra tre negociatorë kanë hyrë në mes për ngjarjen e 2017. Dhe ka shkuar puna që janë vrarë ata që dyshoheshin si autorë, tani po vriten negociatorët.
Dumani thotë që unë i njoh këta, që kanë marrë porosinë për të bërë vrasjen në Lezhë. Një politikan i rëndësishëm thotë ai, e ka porositur. Ai thotë se unë këto gjëra i kam mësuar se kam qëndruar me këta persona, me këta kam bërë ngjarje të tjera”, u shpreh Artan Hoxha.
Sipas atyre që pretendojnë se kanë dijeni për rastin vëllai i viktimës, Arben Ndoka, e ka dyshuar vazhdimisht që vrasja ka patur të bënte me Metën pasi i vrari u përfshi në një konflikt fushate me Monika Kryemadhin, në prezencë të vajzës së saj dhe Metës. Madje ai përdori dhunë fizike dhe qëlloi rm armë.
Ngjarja
48-vjeçari në atë kohë, Aleksandër Ndoka ka qenë duke u kthyer në banesë në lagjen “Nënë Tereza” ose e njohur ndryshe “Kodër Marlekaj” në orët e para të mëngjesit, rreth orës 4:00 kur 2 ose më shumë persona ende të paidentifikuar të cilët i kishin zënë pritë e kanë qëlluar me breshëri automatiku jo nga një distancë e largët.
Më pas autorët kanë pasur mundësi të largohen, duke qenë se rruga kryesore Lezhë-Tiranë është vetëm 100 metër larg nga banesa. Duket se kjo gjë i ka ndihmuar autorët të largohen shumë shpejt dhe pa rënë në sy të forcave të policisë.
n.s. / dita
