SPAK regjistron dosjen e mikrokredive. Brenda 10 ditëve do të rivlerësohen masat e sigurisë caktuar më parë nga Gjykata e Tiranës me kërkesë të prokurorisë së kryeqytetit.
Akuza e re është për veprat penale “organizatë kriminale”, “vjedhje me pasoja të rënda” dhe “falsifikim dokumentash”.
Nëpërmjet shortit është përzgjedhur prokuror i çështjes që do vijojë hetimet në SPAK, Edvin Kondili.
Të martën, Prokuroria e Tiranës ka kaluar për kompetencë në Prokurorinë e Posaçme (SPAK) dosjen penale në ngarkim të të hetuarve për krijimin dhe bashkëpunimin në skemat mashtruese të mikrokredive.
Prokuroria ka konkluduar se personat e hetuar kanë zhvatur të paktën 36.8 milionë euro dhe 1700 prona të paluajtshme nga mijëra qytetarë, përmes skemës së rifinancimit të kredive të këqija dhe shantazhit.
Më herët, në muajin prill, prokuroria e kryeqytetit kishte dërguar për hetim në SPAK edhe guvernatorin e Bankës së Shqipërisë, Gent Sejko, në lidhje me këtë çështje.
Procedimet e shumta të hetuara për këto zhvatje, të kallëzuara në prokurori që prej vitit 2018, janë bashkuar në një çështje të vetme. Hetimet kanë konkluduar se shoqëritë e përfshira në këtë skemë kanë vepruar si një entitet i vetëm, duke pasur karakteristika të qarta të një grupi kriminal të strukturuar.
Prokuroria ka identifikuar si drejtues të këtij grupi Olsi Ibron, i cili humbi jetën pasi u hodh nga një pallat në muajin korrik, bashkëshorten e tij Elda Ibro dhe Arben Meskutin.
Hetimi paraprak u krye nga prokurorët Antoneta Sevdari, Ndini Tavani dhe Arben Agovi.
Më 19 korrik, Prokuroria e Tiranës njoftoi sekuestrimin e kuotave dhe aseteve të shoqërive MCA dhe Final. Ndërkohë, në muajin maj, u vendos masa e sigurimit “arrest me burg” ose “arrest shtëpie” për nëntë persona që dyshohet se kanë abuzuar me licencat si kompani mikrokrediti dhe përmbarues gjyqësorë.
i.b. / dita
Po licencën kush ja aprovoi këtij grupi të strukturuar kriminal? Shikoni se mos është i përzier dhe Governatori i famshëm Gent Sejko? Se pa lejen eSejkos nuk jepen liçensat e mikrokredive (strukturë kriminale).
Edhe grup i strukturuar kriminal edhe arrest shtëpie, unë jam e mendimit t’i shpërblejnë me rastin e festave.
Pika që nuk ju bie, çfare janë këto tallje me qytetarët?
pershendetj. me falni po me personat qe ala vazhdojn te mbajn te bllokuara llogarit bankare dhe pse sipas uli manjas eshte ren dakort te zhbllokohen… asetet e bllokuara dhe llogarut bankare banka bkt vijon te mbaj ne menyr abuzive llogarit bankare te shtetasve shqiptar… pasi kan urdha egzekutimi te ven dy her njeri thot vet banka eshte gabim… por duhet urdheri i permbarusit… permbarusi altin vako mir qe shpetoji nga dara dhe sesht ne burg thot qe ska te drejta firme dhe vule… ku mund te gjehet kjo tani??!