Ministrja e Financave e Spanjës, Nadia Calvino është zgjedhur nga ministrat e financave të BE-së për të marrë presidencën e Bankës Evropiane të Investimeve nga 1 janari 2024.
Presidenti në largim gjermani Werner Hoyer, përfundon mandatin e tij në fund të vitit, pas dy mandateve gjashtëvjeçare.
Lajmin e ka bërë të ditur përmes “X” ministri belg i Financave Vincent Van Pedegem, i cili drejton diskutimet mes vendeve anëtare: “Ministrat e Financave të BE-së bien dakord të mbështesin kandidaturën e Nadia Calvinos. EIB është një instrument kyç për arritjen e objektivave të politikës së BE-së. Nadia Calvino ka të gjitha aftësitë e nevojshme për të menaxhuar bankën më të madhe shumëpalëshe në botë, duke kanalizuar financat e nevojshme për bizneset dhe duke mbështetur investimet për të nxitur konkurrencën dhe zhvillimin e qëndrueshëm të Evropës”.
Ndërsa komisioneri i Ekonomisë Paolo Gentiloni shkroi në “X”: “Urime Nadia Calvino për mbështetjen e Ministrave të Financave të BE-së për të marrë presidencën e BEI-së. Mezi presim të vazhdojmë të punojmë ngushtë me ju në rolin tuaj të ri për të sjellë investimin që na nevojitet për rritje të fortë dhe të qëndrueshme në Evropë.
p.k\dita
