48-vjeçarja greke Irini Papagelou, gjurmët e së cilës kishin humbur në fillim të muajit mars nga Neohori i Halkidikisë, gjendet në Shqipëri.
Sipas informacioneve nga mediat greke, një kërkesë e veçantë ishte paraqitur nga familja e saj pas zhdukjes nëpërmjet avokatit, për shkak të telefonatave të shumta që të afërmit e saj merrnin nga numra telefoni shqiptarë.
Pasditen e së premtes, autoritetet shqiptare bënë me dije se Irini është gjetur në Shqipëri dhe një operacion riatdhesimi e ka kthyer në Greqi pranë familjes.
Avokati i familjes, Anastasios Dougas, tha se “ne kemi vepruar me fshehtësi ekstreme. Nuk i bëmë publike elementet dhe informacionet bazë që kishim dhe kështu arritëm sot në pikën ku Irini u kthye në shtëpinë e saj”.
“Kam folur gjatë natës me Irinin, e vetmja gjë e sigurt është se vajzës i ka ndodhur diçka. Ndaj ajo është zhdukur. Gjithçka do të sqarohet në ditët në vijim. E rëndësishme është që është gjallë”, shtoi ai.
p.c/dita
