Një ngjarje misterioze ka ndodhur gjatë mbrëmjes në digën e Liqenit Artificial.
Mëngjesin e sotëm, Policia ka gjetur në zonën e autorizuar vetëm për këmbësorë, mjetin luksoz tip ‘BMW’ të shkatërruar.
Siç shihet nga fotot makina, e cila nuk ka targa, është bërë copash, ndërsa gomat janë shkatërruar. Brenda mjetit nuk është gjetur asnjeri, duke lënë të dyshohet se drejtuesi i saj është larguar.
Makina ka ardhur nga rruga poshtë digës dhe për shkak të shpejtësisë ajo ka fluturuar në digë duke u përplasur në murin mbrojtës të digës.
Ende nuk dihet se sa persona kanë qenë në automjet, e sesi ka ndodhur ngjarja. Pritet që në orët në vijim të ketë më shumë detaje rreth kësaj ngjarje.
j.l./ dita
