Mobilizimi i pjesshëm i rezervistëve ushtarakë në Rusi, i urdhëruar nga presidenti Putin është një shenjë “dobësie”, thotë ambasadorja amerikane në Ukrainë, Bridget Brink, e cila reagon pas kercenimit te Vladimir Putinit ndaj Perendimit se “Rusia ka shumë armë që mund të përdorë”.
“Referendumet e rreme dhe mobilizimi janë shenja dobësie, dështimi rus”, shkruan Bridget Brink në Twitter.
“Shtetet e Bashkuara nuk do ta njohin kurrë pretendimin e Rusisë për territorin e supozuar të aneksuar të Ukrainës dhe ne do të vazhdojmë të qëndrojmë me Ukrainën për aq kohë sa të duhet”, shton ajo.
Putin, paralajmëroi Perëndimin se Rusia do t’i përdorë të gjitha mjetet në dispozicion për të mbrojtur territorin e saj dhe tha se “ky nuk është një mashtrim”.
Ministri rus i Mbrojtjes, Sergei Shoigu, tha në një intervistë televizive se do të mobilizohen vetëm ata rusë që kanë përvojë përkatëse luftarake dhe shërbimi, e jo rekrutët dhe studentët.
Shoigu tha se rreth 300.000 njerëz të tillë do të thirren.
j.l./ dita
