Moldavia fiton në transfertë ndaj Ishujve të Faroes dhe komplikon disi situatën në Grupin E kualifikues të Euro 2024, një grup në të cilin pjesë është edhe Shqipëria. Moldavët fituan minimalisht me shifrat 0-1 falë një goli të Ratës në minutën e 53-të teksa pas këtij triumfi ngjiten në vendin e dytë me tetë pikë, po aq sa Çekia e vendit të parë dhe një pikë më shumë se Shqipëria e vendit të tretë.
Megjithatë, kuqezinjtë mund të rikthehen shpejt në vendin e dytë, pasi presin Poloninë dhe një pikë apo një fitore do t’i rikthente në pozitat e mëparshme.
