Moti i keq me reshje të dendura shiu ka pushtuar vendin mëngjesin e kësaj të marte.
Shërbimi Meteorologjik Ushtarak bëri të ditur se vendi ynë do të ndikohet nga kushte atmosferike të paqëndrueshme për shkak të depërtimit të masave ajrore të lagështa me origjinë perëndimore.
Sipas SHMU në relievet e larta malore në lindje të territorit, parashikohen edhe reshje dëbore me intensitet të ulët, ndërkohë reshjet e para të dëborës janë raportuar në Qarkun e Korçës.
Autoriteti Rrugor Shqiptar raporton se akset rrugore Korçë-Dardhë, Korçë-Voskopojë, Korçë-Ersekë, Ersekë- Leskovik, janë më problematike dhe u bën apel shoferëve të pajisen me goma dimërore dhe zinxhirë.
ARRSH njofton gjithashtu se në këto akse borëpastrueset ndodhen në terren po punojnë me pastrimin e rrugëve nga dëbora dhe shpërndarjen e kripës në mënyrë që qarkullimi kryhet pa probleme.
Njoftimi i ARRSH:
Në orët e para të mëngjesit filluan reshjet e dëborës në Rajonin e Korçës.
Në Doganën Kapshticë, në Korçë-Dardhë, Korçë-Voskopojë, Korçë-Ersekë, Ersekë- Leskovik, borepastrueset ndodhen në terren po punojnë me pastrimin e rrugëve nga dëbora dhe shpërndarjen e kripës qarkullimi kryhet pa probleme.
Drejtuesit e mjeteve të kenë kujdes të shtuar gjatë drejtimit të mjetit për shkak të lagështisë në rrugë, të pajisen me goma dimërore dhe zinxhir kur udhëtojnë për në zonat malore me prezencë dëbore.
j.l./ dita
