Edhe pse ishin marrë masat prej javësh, festa e Napolit për titullin kampion është shtyrë. Të besuarit e Spalettit duhet të fitonin me Salernitanën, por mesditën e së dielës u ndalën në një barazim 1-1 edhe pse realizuan të parët me Oliverirën. Ishte goli i Dias në minutën e 84 që bëri Napolin të heshte. Kjo ndeshje, e programuar fillimisht të shtunën, por që u shty për t’I dhënë Napolit mundësinë të festonte, kishte ngritur në këmbë të gjithë autoritetet. Është lëshuar kodi i kuq deri të hënën në orën katër, ç’ka nënkupton se spitalet ishin në gadishmëri paraprake, me personel të shtuar, 40 autoambulanca në pritje dhe 8 motoçikleta shëndetësore në gadishmëri. Gjithsesi për shkak të festimeve që nisën nga ora 10 e mëngjesit pati disa incidente, duke rregjistruar edhe katër të plagosur. Sa i takon ndeshjes me Salernitanën ajo e çoi diferencën e pikëve me Lazio-n ndjekëse në 18 kur kanë mbetur edhe 6 ndeshje. Përballjet direkte janë 1-1, kështu që Napoli duhet të presë të enjten për t’u shpallur zyrtarisht kampion. Gjithsesi ajo sfidë është në transfertë dhe nuk do të ketë të njëjtën shije.
Inter përmbys Lacion dhe kap Champions
Inter ka marrë një fitore jetike kundër Lazios për kualifikimin sezonin e ardhshëm në Champions League. Zikaltërit edhe pse pjesën e parë e mbyllën në humbje, në të dytën e përmbysin 3-1 falë ‘dopietës’ së Lautaro Martinez dhe golit të Robin Gosens. Falë këtij 3 pikëshi Interi u rifut në zonën Champions pasi aktualisht renditet në vendin e katërt me 57 pikë, po aq sa Milani i vendit të pestë dhe Roma e vendit të gjashtë.
https://streamable.com/grvcyj
