Raporti i fundit i publikuar nga Këshilli i Europës thekson se dështimi i vendeve të ish-Jugosllavisë për të dënuar të kaluarën e dhunshme në rajon dhe krimet e luftës ka pasur pasoja shkatërruese për të drejtat e njeriut dhe mund të sjellë rikthim të konflikteve në rajon.
Raporti i cili është përgatitur nga Komisionerja për të drejtat e Njeriut Dunja Mijatoiv thekson se rajoni për shume vite ka bërë një rrugëtim pas në kërkimin e drejtësisë dhe për luftërat brutale të viteve 1900 në Kroaci, Bosnje dhe Kosovë ku kanë mbetur të vrarë më shumë se 130 mijë persona.
Raporti thekson se pavarësisht ngritjes së tribunalit për Krimet e Luftës në Hage dhe arrestimeve që janë kryer, dënimi i shumë lidereve politikë dhe ushtarakë të cilët janë përgjegjës për vrasjet masive është zbehur gjatë viteve të fundit.
Këshilli i Evropës thotë se proceset gjyqësore në gjykatat ndërkombëtare janë ngadalësuar në mënyrë drastike ndërsa etno-nacionalistët po dominojnë politikën në rajon, duke promovuar gjuhën e urrejtjes dhe mohimit të gjenocidit dhe krimeve të kryera kundër njerëzimit.
Ne raport ngrihet shqetësimi se narrativat përçarëse dhe urrejtja që kryesoi luftërat e viteve 1990 po kthehet dhe po fiton fuqi.
Këshilli i Evropës thekson se zonat e banuara nga Serbet në Veri të Kosovës konsiderohen si pika të nxehta për tension pas sulmit te 24 shtatorit në Binjakë të Zvecanit.
Situata paraqitet kritike edhe në Bosnje pasi gjysma e shtetit drejtohet nga Republika Serpska dhe separatist militant Milorad Dodik që e quan gjenocidin e vitit 1995 në Srebrenice si një “mit te fabrikuar”.
Raporti i Këshillit të Evropës ngre shqetësime për marrëdhënien që presidenti i Serbisë Aleksander Vuçiç dhe ai i Republikës Serpska Milorad Dodik kanë me presidentin Rus Vladimir Putin.
Gjate Javëve të fundit edhe Shtetet e Bashkuara të Amerikës dhe Bashkimi Europian kanë ngritur shqetësim për ndikimin rus në rajonin e Ballkanit Perëndimor dhe kanë premtuar me shumë ndihmë për këto vende.
p.k\dita
