Ai nuk e humbet rastin për të bërë thirrje gjakatare dhe paralajmëruar terror. Presidenti i Bjellorusisë shpalli “gatishmërinë luftarake” të vendit të tij gjatë revoltës jetëshkurtër të organizuar nga grupi Wagner. “Nëse bie Rusia, ne do të mbetemi nën rrënoja, të gjithë do të vdesim”, shtoi Lukashenko.
Lukashenko i tha gazetës shtetërore Belta se përpjekja për rebelim të mercenarëve të grupit Wagner kërcënoi sigurinë kombëtare të vendit dhe kërkoi gatishmëri ushtarake. “Unë i dhashë të gjitha urdhrat për ta pasur ushtrinë në gatishmëri të plotë luftarake”, tha Lukashenko për gazetën, siç raporton “The Moscow Times”.
Shefi i Grupit Wagner, Yevgeny Prigozhin tronditi botën fundjavën e shkuar, kur e ktheu grupin e tij ushtarak privat kundër forcave ruse, ndërsa merrte kontrollin e bazave ushtarake ruse. Ai u dorëzua të shtunën pas ndërmjetësimit të Bjellorusisë.
