Nga Vlora në Elbasan. Derbi i kryeqytetit Tirana-Dinamo këtë herë do të luhet në “Elbasan Arena”, të dielën, në orën 17:00.
Në sfidën e vlefshme për javën e 27 të kampionatit shqiptar, bardheblutë do të duhet sërish të “shtegtojnë” për të pritur këtë përballje tepër të rëndësishme në ecurinë e tyre në kampionat.
Edhe pse dy ekipet vijnë me objektiva të ndryshme, derbi pritet të jetë i luftuar nga të dyja skuadrat që do të tentojnë vetëm për fitore.
Aktualisht, Tirana është në vendin e parafundit dhe rrezikon rënien nga kategoria, ndërsa Dinamo me një Dejvi Bregu të rikthyer në formë, kërkon vazhdimësi. Dinamovitët janë në vendin e tretë, me 44 pikë.
j.l./ dita
