Detaje të reja dalin në dritë në lidhje me ngjarjen në Astir, që ngriti në këmbë RENEA-n dhe FNSH-në.
Mësohet se vajza është gjetur e vetme në banesë, ndërsa apartamenti është marrë me qira nga i dashuri i vajzës.
Ndërkohë, në apartamentin përballë janë gjetur dy armë dhe lëndë narkotike. Ka dyshime se në banesë ka pasur persona të tjerë, por mund të jenë larguar, kur ka ardhur Policia.
Siç bëhet me dije, efektivët ndërhynë në banesën ngjitur me atë të vajzës së ngujuar pasi kishin informacion se aty kishte armë zjarri.
Banorët e zonës kanë thënë se kanë dëgjuar të shtëna armësh, ndërsa babai ka thënë se vajza e tij është marrë peng.
Më herët policia raportoi se pasi kishin marrë denoncimin kishin mbërritur në vendngjarje dhe po negocionin me të renë, e cila refuzonte të hapte derën.
Sipas bluve, vajza me iniciale S. Q., ka njoftuar sallën operative se ndodhej brenda apartamentit duke pretenduar se është dhunuar nga disa persona.
“Shtetasja S.Q, ka njoftuar sallën operative se ndodhet në një banesë në katin e 8-të, dhe pretendon se është dhunuar nga disa persona.
Menjëherë në vendngjarje kanë mbërritur shërbimet e Policisë, Grupi Hetimor, shërbimet zjarrfikëse dhe po punojnë për zbardhjen e rrethanave të ngjarjes si dhe ofrimin e ndihmës së qytetares.
Shërbimet e Policisë po negociojnë me shtetasen S.Q, pasi e ka mbyllur deren dhe nuk pranon ta hap”, thuhej në njoftimin e Policisë.
j.l./ dita
Ore avdall polica, po s’pranoi ta hapë, thyejeni derën!
Kini kujdes me kesi rastesh. Se keshtu ndodhi per nje sherr banal midis pjestareve te familjes, dhe u lajmerua policia. Futet policia dhe ajo tjetra hidhet nga ballkoni. Dhe akuzojne policine per dhune.
Mire do te ishte te vleresohet situata perpara se te nderhyet, mundesisht te kete ndonje psikollog, doktor ose nje pjestar i familjes ne negocionte e bisedonte.