Spanjolli Carlos del Cerro Grande do të drejtojë finale e UEFA Europa Conference League 2023, ndërmjet Fiorentinës dhe West Ham, e cila do të luhet në “Eden Arena” në Pragë, Republika Çeke, të mërkurën më 7 qershor në orën 21:00. Del Cerro Grande do të gjykojë në finalen e tij të parë në një kompeticion klubesh të UEFA-s. 47-vjeçari ka arbitruar pesë ndeshje të UEFA Champions League dhe një ndeshje të UEFA Europa Conference League këtë sezon, duke përfshirë sfidën e dytë të çerekfinales së Championsit të UEFA-s midis Interit dhe Benfica.
Kurse Anthony Taylor do të jetë arbitrit që do të gjykojë finalen e UEFA Europa League 2023 mes Sevillas dhe Romës, e cila do të luhet në “Puskas Arena” në Budapest, Hungari të mërkurën më 31 maj në orën 21:00. 44-vjeçari anglez ka drejtuar gjashtë ndeshje të UEFA Champions League dhe një ndeshje të UEFA Europa League këtë sezon, duke përfshirë sfidën e parë gjysmëfinale midis Romës dhe Feyenoord. Taylor arbitroi Superkupën e UEFA-s 2020 që u zhvillua në të njëjtin stadium në Budapest midis Bayern Munich dhe Sevilla si dhe finalen e Nations League të UEFA-s 2021 midis Spanjës dhe Francës.
