Një fuqi e re po fiton gjithnjë e më shumë terren në fushën e ekonomisë globale. Sipas parashikimeve të ekspertëve deri në vitin 2075 ekonomia e Indisë do të ketë lënë pas atë të Gjermanisë, Japonisë dhe SHBA – ve. Arsyet kryesore janë përparimi i vendit në fushën e inovacionit dhe teknologjisë, investimet më të larta kapitale dhe rritja e produktivitetit të punëtorëve
Deri në vitin 2075, India do të jetë ekonomia e dytë më e madhe në botë, duke tejkaluar Gjermaninë, Japoninë dhe SHBA-në.
Arsyet kryesore për këtë vlerësim janë rritja e popullsisë së Indisë, përparimi i vendit në fushën e inovacionit dhe teknologjisë, investimet më të larta kapitale dhe rritja e produktivitetit të punëtorëve, sipas raportit, sipas raportimeve të CNBC.
Sipas analistëve të Goldman Sachs, India ka gjithashtu një përqindje të madhe të popullsisë ekonomikisht aktive që janë në gjendje të mbështesin bashkëqytetarët më të rinj dhe më të vjetër. Po sipas tyre India duhet të rrisë pjesëmarrjen e saj në fuqinë punëtore dhe kështu të përfitojë nga rritja e popullsisë në mënyrën e duhur. Kjo do të ishte me të vërtetë një mundësi për Indinë që të krijojë kapacitet prodhues dhe të vazhdojë të rritet në sektorët e shërbimeve dhe infrastrukturës.
Të ardhurat e industrisë së teknologjisë së Indisë pritet të rriten me 223.7 miliardë euro deri në fund të vitit 2023, sipas parashikimeve të shoqatës tregtare joqeveritare indiane Nascom.
Sipas një raporti të Goldman Sachs, ekonomia e Indisë drejtohet nga kërkesa e brendshme, ndryshe nga shumë ekonomi më të varura nga eksporti në rajon, me deri në 60 % të rritjes së saj që i atribuohet kryesisht konsumit të brendshëm dhe investimeve.
Në tremujorin e parë, PBB-ja e Indisë u rrit me 6.1 % në bazë vjetore dhe vlerësohet se rritja ekonomike e Indisë në fund të vitit aktual do të arrijë në 7.2 %.
