Fondacioni Amerikan i Zemrës thotë se ngrënia e peshkut të pasur me acide yndyrore omega-3, jo më shumë se dy herë në javë, mund të çojë në një shëndet më të mirë kardiovaskular.
Profesori i ushqimit në Harvard, Christopher Golden thotë se përfshirja e peshkut dhe butakëve në dietë mund të ndihmojë jo vetëm rritjen e acideve yndyrore omega-3, por edhe të zinkut, hekurit dhe vitaminës B12.
Po cili peshk është më i shëndetshëm?
Shumica e njerëzve mendojnë për tonin dhe salmonin si llojet më të shëndetshme të peshkut, por sipas profesor Golden, ata më të mirët për organizmin e njeriut janë në fakt peshqit më të vegjël.
Gjithçka ka të bëjë me nivelin e mërkurit tek mishi i peshkut.
“Nëse hani peshk më të vogël, ju hani më pak mërkur. Shumë peshq të vegjël mund të gjenden gjithashtu të konservuar, pra më pak të kushtueshëm se peshqit e freskët”.
Ndryshe nga ata dietologë që janë kundër konservave, profesori vë në dukje se mund t’i konsumoni pa asnjë shqetësim sardelet.
“Është një peshk që është një burim i shkëlqyer i acideve yndyrore omega-3 dhe për fat është lehtësisht i disponueshëm për të gjithë”, përfundoi ai.
