Dekada në të cilën kemi hyrë mund të cilësohet si apokaliptike. Në fillim epidemia e Covid-19 dhe më pas lufta në Ukrainë. Por sipas Craig Hamilton-Parker, pas këtyre dy ngjarjeve vjen edhe Lufta e Tretë Botërore! Deklaratën parashikuese e ka dhënë për “The Daily Star”. I cilësuar edhe si “Nostradamusi i ri”, Hamilton-Parker jep edhe shkaqret, rrjedhën dhe kohën kur do nisë kjo luftë. Ai është i njohur gjerësisht edhe për parashikime të tjera të forta ku ka ‘qëlluar në shenjë. Mes tyre edhe vdekjen e mbretëreshës britanike Elisabeta II, e cila u shua shtatorin e kaluar. Por jo vetëm kaq; Parashikoi rezultatet e “Brexit” dhe ardhjen e Donald Trump në krye të Shtëpisë së Bardhë më 2016, si president i SHBA-ve.
Por kur, ku dhe si do nisë Lufta e Tretë Botërore?
“Lufta do të nisë këtë vit dhe zanafilla do të jetë Tajvani! Ky do jetë motivi i konfliktit mbarëbotëror mes Kinës, që prej muajsh ka tensione me Amerikën. Dhe shkaku fillestar do të jetë përplasja e dy avionëve ose nëndetëseve, që do të pasojnë me një seri ngjarjesh të tjera. E kam thënë prej kohësh se po afron një konflikt mbi Tajvan dhe që besoj se do shpërthejë këtë vit. Besoj se do të ketë fillimisht një incident aksidental, por që më tej do të shkaktojë një shpërthim real të luftës. Ose nëndetëset do përplasen mes tyre, ose avionët dhe më tej gjithçka do të dalë nga kontrolli”, shpjegoi britaniku në kanalin YouTube.
