Një efektiv policie në Fier është pezulluar nga detyra për shkak të neglizhencës së tij në zbatimin e ligjit.
Rrjetet sociale kanë postuar një video ku vërehet qartë drejtuesi i mjetit i cili përdorte celularin gjatë drejtimit të automjetit , gjithashtu dhe pa patur rripin e sigurimit.
Por në video, ka bërë jehonë dhe fakti që punonjësi i Policisë e konstatoi por nuk i vendosi masë administrative në përmbushje të detyrave funksionale.
Për këtë arsye, Drejtori i Drejtorisë Vendore të Policisë Fier ka pezulluar menjëherë nga detyra inspektor I. Ç., me detyrë punonjës i Patrullës së Përgjithshme të Komisariatit të Policisë Lushnjë.
Njëkohësisht, Drejtoria e Standardeve Profesionale në Drejtorinë e Përgjithshme të Policisë së Shtetit ka nisur ecurinë disiplinore ndaj punonjësit të Policisë, për shkelje të rëndë.
