Zv.presidenti JD Vance, në komentet e tij të para publike që nga momenti kur Presidenti Donald Trump autorizoi sulmet ndaj objekteve bërthamore iraniane, theksoi se Shtetet e Bashkuara “nuk janë në luftë” me Iranin, ndërsa shpjegoi procesin e vendimmarrjes së presidentit.
“Nuk jemi në luftë me Iranin. Jemi në luftë me programin bërthamor të Iranit”, tha Vance në një intervistë për emisionin e NBC-së “Meet the Press me Kristen Welker”, duke i quajtur sulmet një “dëshmi e fuqisë së ushtrisë amerikane”.
I pyetur se çfarë informacioni të inteligjencës çoi në këtë vendim, Vance tha: “Kishim një dritare të vogël mundësie. Mund të mos kishim qenë në gjendje të realizonim këtë sulm pas gjashtë muajsh… Kishim një mundësi të shkurtër në të cilën mund ta kthenim shumë prapa atë program. Do të kishte qenë e papërgjegjshme, sipas mendimit tim, që presidenti të mos ndërmerrte këtë veprim”.
Vance shtoi: “Sigurisht që i besojmë komunitetit tonë të inteligjencës, por i besojmë edhe instinkteve tona… Iranianët nuk po negocionin në mirëbesim, ky ishte katalizatori i vërtetë”.
Zv.presidenti gjithashtu sugjeroi se Trump arriti në përfundimin për të autorizuar sulmet pasi i kishte dhënë Iranit disa “ultimatume”, të cilat ai nuk pranoi t’i detajonte.
CNN kishte raportuar më herët se Trump i kishte dhënë Iranit një afat 60-ditor në prill për të negociuar, duke i kërkuar kryeministrit izraelit Benjamin Netanyahu që të shtynte një sulm ndaj vendit për t’i lënë kohë bisedimeve.
j.l./ dita
Tregusi ma i mirë kur një kupolë qeverisēse është frigacakë të thuash je fuqia nr.1 dhe ti nënshtrohesh një lobi dhe Netanjahut mjerim
Prit kur te inskenojne ndonje False Flag e tja faturojne Iranit. Eshte manuali i veprimit te tyre, ashtu si ben me 911 e ja faturuan Afganistanit dhe ne procesin me pas dhe me sebepin, filuan te kufizoje gradualisht te drejtat dhe lirite Kushtetuese te Amerikaneve, gjoja kunder luftes ndaj Terrorizmit ( Referohuni te Patriotic Act ). Terrorizem qe e kriojne vete. Prit kur te sulmojne ndonje aeroplanmbajtese, se kane kohe qe i kane mullar aty ne gjirin Persik, sepse e kishin planifikuar situaten me pare. Ose do bejne ndonje sulm ne territorin Amerikan, per te krijuar situaten dhe aprovimin ne kongres, sepse Popullin Amerikan e kane absolutisht kunder Luftes.