Gazeta e njohur amerikane Neë York Times akuzon Ukrainën se qëndron pas sabotimit të gazsjellësit Nord Stream. Sipas artikullit të NYT, sabotimi ka ardhur nga një grup pro-ukrainas. Ata thotë se kanë lexuar raportin e ri të inteligjencës, por shtojnë se nuk ka prova që presidenti Ukrainas, Volodomir Zelensku ka qenë në dijeni.
Sulmi ndaj tubacioneve të gazit natyror që lidh Rusinë me Evropën ka nxitur spekulime për përgjegjësitë: hipotezat u kthyen nga Moska në Kiev, nga Londra në Uashington, por sabotimi i tubacionit të gazit mbeti një nga misteret më të rëndësishme të pazgjidhura të luftës së Rusisë në Ukrainë.
Autorë më të mundshëm, sipas këti raporti është Ukraina dhe aleatët e saj pasi e kanë kundërshtuar projektin prej vitesh, duke e quajtur atë një kërcënim për sigurinë kombëtare. Sipas tyre kjo do të lejonte Rusinë t’i shesë më lehtë gaz Evropës.
Ky raport ka sjellë shumë reagime. Ukraina e mohon kategorikisht se ata kanë gisht. Nga ana tjetër, SHBA dhe NATO thotë se nuk kanë përfunduar hetimet.
“Për aksidentin në Nord Stream janë duke u zhvilluar tre hetime , ende nuk është arritur një përfundim, presim përfundimin e hetimeve” tha zëdhënësi i Sigurisë Kombëtare të SHBA-së, John Kirby.
“Sulmet në tubacionet Nord Stream kanë treguar cenueshmërinë e infrastrukturës sonë kritike, por ka hetime në vazhdim dhe do të ishte e gabuar të spekulosh mbi përgjegjësit derisa ato të përfundojnë.” Kështu tha Sekretari i Përgjithshëm i NATO-s, Jens Stoltenberg.
m.b./dita
