Me emrin artistik Kim, djali nga Kosova ka mahnitur me zërin e tij jurinë e sivjetshme të American Idol, por edhe me rrëfimin e tij.
Kim ka marrë pjesë në American Idol, por ka prekur shumë me historinë e tij.
Teksa flet për nënën që ndodhet ende në Kosovë, sytë i mbushen me lotë. Dy vite pasi Kim lindi, nëna e tij u sëmur dhe ai nuk e ka dëgjuar dot më atë të këndojë. Të gjithë i thonë Kim se ka zërin e nënës së tij.
Kimi është me origjinë nga Kosova por tani jeton në Brooklyn. Ai punon në një restorant, ndërsa në American Idol këndoi “Heal” nga Tom Odell. “Unë nuk e kufizoj veten, mund të këndoj gjithçka. Ashtu si do të këndoja Whitney Houston”, tha ai.
Në fakt, muzika e ndihmoi të mësonte anglishten, të cilën e mësoi vetëm gjashtë vjet më parë.
Ai nuk është më në kërkim të famës, muzika e Kimit do të thotë shumë më tepër për të tani, ai thjesht dëshiron të bëjë një ndryshim në botë.
j.l./ dita
I lumte👏👏👏👏👏
Një sukses i madh për një bir të vërtetë nëne, për një atdhetar të guximshëm, që në themel të jetës vendos dy dashuritë prioritare: dashurinë për nënën dhe dashurinë për atdheun. Ky është Kim Kosova njëkohësisht edhe Kim Shqiptari, një talent i madh muzike.
Do të ishte në nderin e Redaksisë së Gazetës DITA dhënia e një informacioni më të detajuar mbi emrin e plotë të nënës, babait, mbiemrin, historinë e këtij djali plot shpirt, rrugën e tij për në ShBA dhe ngjitjen e shkallëve të skenës së famshme të American Idol etj…
Suksesi qoftë përherë pranë teje, Kim Kosova, Kim Albania!