Turqia dhe Siria do të përfitojnë 25 mln dollarë ndihmë humanitare nga Organizata e Kombeve të Bashkuara, pas tërmeteve vdekjeprurëse që shkaktuan një bilanc tragjik mbi 6 mijë viktima.
Zëdhënësi i OKB-së, Stephane Dujarric, deklaroi para gazetarëve në selinë e OKB-së, se kjo do të ndihmojë në ofrimin e ndihmës urgjente për shpëtimin e jetës së njerëzve në rajonet e prekura nga tërmeti.
“Ekipet e vlerësimit dhe koordinimit të fatkeqësive të OKB-së sot janë në Adana dhe po mobilizohen për në Gaziantep nesër për të mbështetur ekipet urbane të kërkimit dhe shpëtimit. Ata që u prekën nga fatkeqësia përfshijnë mijëra refugjatë nga Siria dhe komunitetet që i kanë strehuar bujarisht ata për gati 12 vite”, tha Dujarric.
m.b./dita
