Një operacion policor po zhvillohet kundër mashtrimit ekonomik në Tiranë dhe Shkodër.
Lidhur me operacionin ka reaguar dhe Policia e Shtetit ku bën me dije se janë ekzekutuar 17 masa sigurie “Arrest në burg”, të caktuara nga Gjykata e Tiranës.
Në kuadër të këtij operacioni, hetimet e të cilit kanë nisur prej disa muajsh, janë kryer kontrolle në 32 ambiente në të dy qytetet
Ndërkohë në cilesinë e provës materiale, janë sekuestruar pajisje kompjuterike, celularë dhe shuma të konsiderueshme parash.
Operacioni është ende në vijim ndërsa pritet të zbardhen detaje të reja më tej.
Njoftimi i Policisë:
Policia e Shtetit
Në përgjigjje të interesit të medias, mbi një operacion policor, aktualisht në zhvillim, ju sqarojmë se:
Si rezultat i një hetimi disamujor, me metoda speciale, po zhvillohet sot, operacioni policor i koduar “USDT-1”.
Zhvillimi i këtij operacioni, rezultat i punës së mirorganizuar të Drejtorisë për Hetimin e Krimit Kibernetik së DPPSh-së, në bashkëpunim me Drejtorinë e Forcës së Posaçme Operacionale dhe me Drejtorinë Vendore të Policisë Tiranë.
Deri tani, në kuadër të këtij operacioni, është ekzekutuar masa e sigurisë “Arrest në burg”, e caktuar nga Gjykata e Tiranës, për 17 shtetas, si dhe janë kryer kontrolle në 32 ambiente në Tiranë dhe në Shkodër.
Në cilesinë e provës materiale, janë sekuestruar pajisje kompjuterike, celularë dhe shuma të konsiderueshme parash.
Operacioni është në vijim. Në përfundim të tij, Policia e Shtetit do të japë njoftim të detajuar për median dhe qytetarët.
j.l./ dita
