Janë lënë në burg 10 nga të arrestuarit në Vlorë në kuadër të operacionit të koduar ‘Tempulli; për goditjen e trafikut të drogës.
Nga operacioni ‘Tempulli’ në gjithë vendin, u goditën 23 grupe që shisnin drogë.
Një prononcim e ka pasur edhe një prej avokatëve, Edmond Dema.
“Për 10 kërkesat, u vendos që vlerësimi i ligjshëm i ndalimit dhe arresti me burg për të gjithë. Akuzohen për prodhim dhe shitje narkotike, nesër është një pjesë tjetër e të ndaluarve. Asnjë nga të arrestuarit s’ka pranuar akuzat, kanë thënë që janë përdorues.”- tha avokati.
Gjykata e Korçës ka lënë në fuqi masën e sigurimit “arrest me burg” për 10 nga të arrestuarit në këtë qark.
Gjatë këtij megaoperacioni anti-drogë, u arrestuan 233 persona dhe u goditën 23 grupe kriminale.
