Presidentja e Kosovës, Vjosa Osmani është e pranishme në ceremoninë e nderimit për oficerin e vrarë ditën e djeshme në veri të Kosovës, Afrim Bunjaku.
Osmani e ka nderuar Bunjakun me urdhrin “Hero i Kosovës”, i cili u pranua nga dy djemtë e efektivit.
“Në emër të qytetarëve i ndaj urdhrin “Heroi i Kosovës”, rreshterit Afrim Bunjaku. Ai ka rënë heroikisht në mbrojtje të vendit”, deklaroi presidentja.
Osmani tha se Policia e Kosovës riktheu ligjin dhe mbrojti integritetin territorial të Republikës së Kosovës që dje u sulmuan nga bandat terroriste të dirigjuara nga Beogradi.
“Afrim Bunjaku sikurse gjithë pjestarët tjerë të Policisë së Kosovës, dje u sfiduan nga bandat terroriste të dirigjuara nga Beogradi, dhe bënë atë që duhet, rikthyen ligjin mbrojtën integritetin territorial dhe sovran dhe vunë në vend dinjitetin”, u shpreh Osmani.
Në mbledhjen komemorative janë duke marrë pjesë krerët shtetërorë, ambasadorët të shteteve aleate, familjarët e Afrim Bunjakut dhe qytetarët.
j.l./ dita
