Pak ditë para dialogut Kosovë-Serbi me negocim të BE, Presidenti i Serbisë, Aleksandër Vuçiç ka provokuar sërish, duke u shprehur se me kryeministrin Kurti nuk ka çfarë bisedohet.
Sipas tij, Kurti nuk do që të përfshihet në temat e asociacionit, por vetëm për vuajtjet e Kosovës nga ish-lideri jugosllav, Millosheviç. Këto sipas Vuçiç janë ‘truket’ e tij.
“Menjëherë fillon të flasë për Sllobodan Millosheviçin, Adem Demaçin dhe “vuajtjet e tij”. Unë do të flas për Asociacionin, por edhe me përfaqësuesit evropianë për të formuar Asociacionin. Jam i vetëdijshëm për truket e tij. Ata nuk mund të më befasojnë”, tha Vuçiç.
Ditën e hënë, në Bruksel Vuçiç dhe Kurti do të zhvillojnë bisedime për dialogun mes dy vendeve.
j.l./ dita
