Papa Francesku shtrohet në spital. Selia e Shenjtë njoftoi se vizita në spitalin “Gemelli” të Romës ishte e programuar, duke mbyllur çdo derë spekulimi apo konspiracioni për gjendjen shëndetësore të kreut të Vatikanit. Por gjatë orëve të fundit “Corriere della Sera” ka publikuar një tjetër version. Sipas gazetës në fjalë, referuar burimeve brenda spitalit, Papa Francesco ka shfaqur “probleme kardiake dhe vështirësi në frymëmarrje”.
Por në çdo rrethanë dhe version, sigurohet se Papa “nuk paraqet gjendje shqetësuese shëndetësore”. Gjithashtu është duke iu nënshtruar analizave të gjakut dhe nivelit të toksinave apo gazrave, nëpërmjet aparaturave moderne të spitalit dhe për të mbajtur nën mbikëqyrje shëndetin e tij hap pas hapi.
Në intervistën e tij të fundit në televizionin zviceran, Papa deklaroi se gëzon shëndet të plotë, megjithëse rezistenca fizike i ka rënë për shkak të 86 viteve që ka mbi supe.