Të enjten në mbrëmje, makinat e printimit u ndezën për herë të fundit për Wiener Zeitung në shtypshkronjën Herold në lagjen 3 të Vjenës.
Gazeta më e vjetër e përditshme në botë ka dalë sot në treg për herë të fundit. Në të ardhmen do të vazhdojë si media online.
Mediat austriake shkruajnë se gazeta “Wiener Zeitung” u botua për herë të fundit si e përditshme e shtypur në letër, të premten.
Ajo u shfaq për herë të parë në treg më 8 gusht 1703 dhe ishte kështu gazeta më e vjetër e përditshme letër në botë.
Në të ardhmen, gazeta do të drejtohet kryesisht si një medium në internet, me stafin editorial që do të zvogëlohet ndjeshëm në rreth 20 persona.
p.k\dita
