Një mesazh i ri nga Pekini për Uashingtonin vjen në sfondin e tarifave të reja të vendosura nga Donald Trump, të cilat arrijnë deri në 145% ndaj Kinës.
“Përballë pasigurive të jashtme, Kina do të vazhdojë të jetë e përkushtuar të japë dorën dhe jo të godasë me grusht”, deklaroi Ministria e Jashtme e Kinës.
Donald Trump bëri të qartë se smartphone-t dhe produktet e tjera elektronike të prodhimit kinez nuk do të përjashtohen nga tarifat – duke shtuar se thjesht po zhvendosen në një “kategori tjetër” taksimi.
Kina i ka bërë thirrje Trump-it që “të anullojë plotësisht” regjimin e tarifave dhe “të kthehet në rrugën e duhur të respektit të ndërsjellë.” Megjithatë, zyrtarë amerikanë deklaruan të dielën se produktet do t’i nënshtrohen një “tarife për gjysmëpërçuesit”.
Ministri amerikan i Tregtisë, Hoëard Lutnick, deklaroi se taksa e re do të jetë shtesë mbi një seri tarifash globale që SHBA vendosi më herët këtë muaj dhe që më pas i pezulloi për një periudhë 90-ditore.
“Na duhen barnat tona, na duhen gjysmëpërçuesit dhe na duhen pajisjet tona elektronike të prodhohen në Amerikë”, shtoi ai.
Kina akuzoi SHBA-të për nisjen e sulmeve kibernetike të avancuara, duke përmendur agjentë të dyshuar të NSA-së (Agjencia e Sigurisë Kombëtare).
Sipas Ministrisë së Jashtme kineze, “Pekini do të marrë të gjitha masat e nevojshme për të mbrojtur sigurinë e tij kibernetike.”
j.l./ dita
