Përfaqësuesi i Lartë i BE-së për Politikë të Jashtme Josep Borrell, i pyetur për të komentuar takimin e zhvilluar në Moskë midis presidentit kinez, Xi Jinping dhe presidentit rus, Vladimir Putin, u shpreh se nuk ka akoma asnjë provë që Kina ka ofruar armë në Rusi.
Borell tha se nuk ka informacion të mjaftueshëm për cfarë u vendos në takim, por sipas tij, nuk mund të hamendësohet se çfarë do të ndodhë nesër.
“Nuk ka asnjë provë. Nëse ai do të kishte furnizuar armë do ta dinim sepse përdoren armë. Nuk ka asnjë provë për mbështetje ushtarake apo plane për mbështetje”, përsëriti kreu i diplomacisë së BE-së, Borrell.
Bisedimet e pasdites në Moskë mes presidentit rus Vladimir Putin dhe Xi Jinping zgjatën katër orë e gjysmë, në ditën e parë të vizitës së presidentit kinez në Moskë. Takimi filloi në orën 16:36 me orën e Moskës. Putin dhe Xi u takuan në Kremlin për bisedime – të përshkruara nga agjencia ruse RIA Novosti si “joformale dhe tete-a-tete”. Dy liderët pritet të vazhdojnë bisedimet edhe gjatë darkës. Por dita kyçe e vizitës së Xi do të jetë nesër.
m.b./dita
