Një aksident i rëndë ndodhi të shtunën pasdite në stacionin Gare Centrale në Strasburg, Francë, kur dy tramvaj u përplasën, duke lënë dhjetëra të plagosur.
Sipas raporteve lokale, rreth 30 persona janë plagosur, ndërsa skena kaotike është regjistruar në video që qarkullojnë në rrjetet sociale. Pamjet tregojnë pasagjerë që thyejnë dyert për të nxjerrë të lënduarit nga vagonët, ndërsa tymi mbulon stacionin nëntokësor.
Aksidenti ndodhi kur një nga tramvajeve, që lëvizi në mënyrë të paplanifikuar, goditi tramvajin tjetër të ndaluar në platformë.
Një nga tramvajtë ka dalë nga shinat pas përplasjes. Hetimet janë duke u zhvilluar dhe autoritetet konfirmuan ndërprerjen e trafikut të tramvajit në stacionin kryesor.
Tym i dendur ka mbushur stacionin e tunelit nëntokësor, ndërsa dëgjohet shqetësimi i pasagjerëve.
Në videot e publikuara tregohen dëmet e mëdha që kanë pësuar tramvajt, në skajet e përparme dhe të pasme të copëtuara pas përplasjes.
Një operacion shpëtimi është në zhvillim, ndërsa hetimet për shkakun e përplasjes janë duke u zhvilluar.
Autoritetet lokale kanë konfirmuar ndërprerjen e trafikut të tramvajit në stacionin kryesor pas incidentit.
Shërbimi i Zjarrfikësve dhe Shpëtimit në Bas-Rhin ka konfirmuar aksidentin dhe ka angazhuar burime të shumta për ndihmën e viktimave.
i.b./dita
