Kryeministri i Kosovës, Albin Kurti ka folur për tensionet e fundit me Serbinë dhe për vendimin e Presidentit serb, Aleksandër Vuçiç për vendosjen e trupave ushtarake në kufi.
Në një intervistë për Die Presse, pyetur nëse mund të ketë një përplasje ushtarake me Serbinë, Kurti shpreson se diçka e tillë nuk do të ndodhë.
Kurti u shpreh i shqetësuar për Serbinë, por edhe për lidhjet e saj me Rusinë.
“Shpresoj që jo. Por në të njëjtën kohë, mendoj për faktin se Serbia ka 48 baza ushtarake dhe xhandarmërie në periferi rreth Kosovës. Në kufirin tonë dhe në veri të vendit tonë, pamë persona me shenja të bandës nacionaliste ruse të motoçikletave “Ujqërit e Natës” dhe trupës mercenare ruse “Wagner”. Ne jemi të shqetësuar; jo vetëm për Serbinë, por edhe për lidhjet e Serbisë me Rusinë.
Po, por Serbia kohët e fundit është shtyrë edhe më shumë drejt Kremlinit: Beogradi nuk po merr pjesë në sanksionet kundër Rusisë që u vendosën për shkak të sulmit ndaj Ukrainës. Përkundrazi, Serbia ka lidhur marrëveshje me Moskën për gaz të lirë dhe bashkëpunim në politikën e jashtme. Dhe Aleksandër Vulin, një nga politikanët serbë më pro-rusë, u bë shefi i inteligjencës së Serbisë”, theksoi Kurti.
o.j/dita
