Pfizer mbylli marrëveshjen për blerjen e prodhuesit të ilaçeve kundër kancerit “Seagen” për 43 miliardë dollarë. Sipas Bloomberg, Pfizer do të paguajë 229 dollarë për çdo aksion të Seagen. Seagen është një lider në zhvillimin e barnave ADC.
Me këtë marrëveshje , grupi do të ketë akses në 4 trajtime të miratuara të kancerit me shitje të kombinuara prej gati 3miliardë dollarësh në vitin 2022.
Marrëveshja është pjesë e strategjisë së fundit të blerjes së Pfizer në një përpjekje për të kompensuar sa më shumë që të jetë e mundur një rënie të pritshme të të ardhurave prej 17 miliardë dollarësh deri në vitin 2030 për shkak të skadimit të patentave për barnat kryesore të saj dhe kërkesës në rënie të dy trajtimeve të koronavirusit.
Pfizer pret të rrisë kapitalin për blerjen përmes një emetimi bonosh prej 31 miliardë dollarësh. Gjigandi farmaceutik pret që shitjet e barnave të Seagen të sjellin më shumë se 10 miliardë dollarë të ardhura deri në vitin 2030.
Marrëveshja pritet të mbyllet në fund të 2023 ose në fillim të 2024.
j.l./ dita
