Kombëtarja shqiptare e futbollit po luan sot kundër Andorrës nga ora 20:45, sfidë që zhvillohet në ‘Arenën Kombëtare’ në Tiranë dhe vlen për raundin e dytë të Grupit K kualifikues në Kupën e Botës 2026.
Kuqezinjtë gjetën golin e parë të takimit në minutën e 9 me Rei Manajn. Pas një goditje dënimi të ekzekutuar nga Asllani, sulmuesi kuqezi në shtyllën e parë me kokë tundi rrjetën.
Kuqezinjtë 10 minuta pas golit të parë dyfishuan shifrat. Rei Manaj sërish protagonist. Aksion individual i Brojës nga e djathta, pasimi i tij në qendër gjeti goditjen e saktë të Manajt, i cili dërgoi topin në rrjetë.
d.t/dita
