Policia belge ka vënë në pranga 7 persona ditën e sotme në Belgjikë, pasi dyshohet se po organizonin një sulm terrorist. Dyshohet se synonin të sulmonin ndërtesat e NATO-s.
Të dyshuarit kishin diskutuar disa skenarë për një sulm në Belgjikë, por ende nuk kishin vendosur për objektivin, thuhet gjithashtu në deklaratën e policisë belge.
“U fol për ndërtesat e NATO-s, por për momentin ato plane nuk dukeshin shumë konkrete,” tha një zëdhënës për gazetën belge De Standaard.
Pothuajse të gjithë të dyshuarit janë me origjinë çeçene, ndërsa tre janë gjithashtu shtetas belgë dhe i përkasin një grupi mbështetësish të zjarrtë të Shtetit Islamik, sipas deklaratës së prokurorit.
Një gjyqtar hetues do të vendosë në një fazë të mëvonshme nëse të dyshuarit do të sillen para gjykatës.
m.b./dita
