Ish-drejtori i Butrintit që është marrë gjatē me objektet e trashëgimisë kukturore, Auron Tare, thotë se i vjen turp për ndërtimet dhe shkatërrimin e mjedisit rreth Kalasë së Skënderbeut në Krujē.
Në një postim me rastin e 17 janarit, ditëvdekjes së Heroit Kombëtar, Tare shkruan se e kishte premtuar zhdukjen e ndërtimeve pa leje në Kala kur ishte në detyra shtetërore, por në fund ka fituar shkelësi, madje objektet tani janë bërë nga një, në trekatëshe.
Shkruan Tare:
“… A e meritojme ne si komb Skenderbeun? Po – me tha nje mik qe ka bere nje Opera per te. Patjeter – me tha nje tjeter mik i llogores se perbashket te “Trashegimise”. (dikur te dy ishim ne Kruje ku premtuam prishjen e godinave pa leje ne Kala. Sot te dyve na vjen turp te shkelim atje perseri se godinat jane bere 3 kateshe).
Nëse Skenderbeu na shikon andej nga lart a do ishte krenar kur shikon Kalane e Krujes qe e mbrojti per 25 vjet nga “turku barbar”? Mire malin qe e bene çimento, por edhe Kalane e Skenderbeut e kane rrethuar me shemtira betoni ne emer te turizmit dhe shesin xhingla qe vijne nga vendi i “turqve barbare”
Në ka gje qe shqiptareve patriotë kudo qe jane duhet t’u vij turp keto 30 vjet, eshte shkaterrimi i dhimbshem i Krujes dhe historise se saj Europiane. Shqiptareve patriote t’u rroje Facebooku...” – shkruan Tare.
Fotot dhe shënimi i plotë, KËTU
n.s. / dita
