Presidenti i Republikës, Bajram Begaj, ka dekretuar këtë të martë ligjin “Për dhënie amnistie”, i miratuar nga Kuvendi me 84 vota pro.
Sipas ligjit, nga amnistia penale do të përfitojnë gjithsej 1,335 persona. Prej tyre, 466 të dënuar do të lirohen menjëherë nga vuajtja e dënimit, ndërsa 869 të tjerë do të përfitojnë ulje të dënimit.
Në grupin e personave që do të lirohen përfshihen 11 gra dhe një i mitur, ndërsa nga ulja e dënimit do të përfitojnë edhe tetë gra dhe një i mitur.
Amnistia penale do të hyjë në fuqi 15 ditë pas botimit të ligjit në Fletoren Zyrtare.
j.l./ dita
